Jusan Business алғашқы Demo Day өткізді

Jusan Business алғашқы Demo Day өткізді
Jusan-да алғашқы Demo Day Jusan Business дүркіреп өтті. Питчинг форматында өткен шарада кәсіпкерлер үшін цифрлық платформа құрумен айналысатын 17 команда 2022 жылдың 6 айында дайындаған онлайн өнімдерін таныстырды. 
Жиынды Jusan Bank-тің басқарма төрағасы Нұрдәулет Айдосов ашты.
«2022 жыл біздің банк үшін табысты болды. Елімізде бизнестің дамуы мен банк өнімін арықарай жетілдіруге атсалысқан мамандар мен тұтас команданың еңбегі зор. Біздің экзожүйенің арқасында тұтынушылар ұялы телефон арқылы бизнестерін басқарып, шығындарды оңтайландыратын қызметтердің кең ауқымына қол жеткізе алады. Бірінші кезекте біздің өнімдер клиенттердің сұранысын қанағаттандыруға бағытталған. Сондықтан, бір орында тоқтап қалмай, оларды жетілдіру үшін біз әрдайым тұтынушылармен байланыстамыз. Банк жұмысының басты қозғаушы күші – клиенттер», - деді Нұрдәулет Айдосов.
Жиынның алғашқы жартысында командалар өз өнімдерін таныстырса, екінші бөлігінде шараға келген кәсіпкерлер өздеріне қызықты өнім жайлы толығырақ сұрап, тіпті Jusan қосымшасында сынап көрді.  
Шара соңында командалар бірнеше номинация бойынша қаржылай сыйлықтармен марапатталды:
Digital көшбасшы – «Онлайн несие» тобы 
Процессті оңтайландыру – Jusan Tole тобы
Креативтілік - CVM тобы
Аудитория таңдауы – CRM тобы
Басқарма төрағасының таңдауы – «Өз пакетіңді жина» тобы