Биыл 1 сәуірде ҚР ЕДБ-де 30 күннен астам кешіктірілген несиелер 1,1 трлн теңге болды, бұл бір ай бұрынғыдан 7,4% артық. 90 күннен астам ұзақ кешіктірілген «нашар» несиелер (NPL 90+) бір айда 2,5% өсіп, 847,4 млрд теңгеге жетті. Бұл ретте ҚР ЕДБ несие портфелі бір айда 1,4% өсіп, 24,6 трлн теңгеге жетті.

Еліміздегі ең ірі он кредитор банк ішінде бір ғана қаржы институты – Jusan Bank қана ай сайынғы динамика бойынша 30 күннен астам кешіктірілген несие көлемін 2,8% азайтып, биыл наурыз айында 142 млрд теңгеге дейін төмендете алды.

NPL 90+ көлемін алғашқы ондықтағы екі банк азайтты. Ең жақсы көрсеткіштер Jusan Bank-те: бір айда 3,3% төмендеп, 131,2 млрд теңге болды. Бұл ретте Jusan Bank-тің несие портфелі бір айда 2,9% өсіп, 1,2 трлн теңгеге жетті.

 
Jusan Bank портфеліндегі NPL 90+ үлесі шамамен 11%, бұл сектор бойынша орташа деңгейден жоғары, алайда NPL көлемі банк провизиялары есебінен жабылған, ол 1 сәуірдегі жағдай бойынша 297,9 млрд теңгені құрады, бұл бірден 2,3 есе көп. Бұл критерий бойынша Jusan Bank Еуразиялық Банкпен (2,5 есе), ЦентрКредит банкімен (2,6 есе) және Halyk Bank-пен (2,7 есе) бірге еліміздің ірі банктері арасында үздік көрсеткіштерді көрсетіп отыр. Анықтама үшін: сектордағы провизиялардың орташа көлемі NPL 90+ көрсеткішінен екі еседен астам көп.

Jusan Bank портфеліндегі NPL проблемалық Цеснабанк пен АТФ банктің «мұрасымен» байланысты болғандықтан, тарихи жағдайды ескере отырып, қазіргі көрсеткіштерді өте оң деп санауға болады.

Дереккөз: Finprom.kz