Мультивалюталық төлем карталары бойынша жұмыс тәртібіндегі өзгерістер туралы хабарлама

Құрметті Банк клиенттері!

01.07.2022 жылдан бастап Jusan мобильді қосымшасында мультивалюталық төлем картасы бойынша басқа валютаны (ресей рублінен басқа) қосу мүмкіндігі өшірілген. Мультивалюталық картаны ашқан кезде белгіленген 3 валютадағы шоттар қолжетімді:

• теңгеде (KZT);
• АҚШ долларында (USD);
• еурода (EUR).

Ресей рублін қосу мүмкіндігімен.

Осылайша, мультивалюталық төлем картасы енді тек 4 валютада жүргізілетін болады.

Басқа валюталарда шоттар болған (теңгедегі, АҚШ долларындағы, еуродағы, ресей рубліндегі шоттардан басқа) және оның ішінде ақша қаражаты болған жағдайда, сіз Jusan мобильді қосымшасында теңгедегі шотқа қаражатты аударуды жүзеге асыра аласыз (ақша аударған кездегі бағам ақша аударымын жасау сәтіндегі Банктің бағамына тең болады). Валюталық шоттардағы (теңгедегі, АҚШ долларындағы, еуродағы, ресей рубліндегі шоттардан басқа) қаражат нөлге тең болғаннан кейін, осы шоттарды жабу үшін Банк бөлімшесіне жүгіну керек.

01.09.2022ж. бастап басқа валютадағы шоттар (теңгеден, АҚШ долларынан, еуродан, ресей рублінен басқа) бойынша:

• Кіріс ақша аударымдары;
• Қалдықтары жоқ (шотта 0 теңге) шоттарды көрсету қолжетімсіз болады.