Құрметті клиенттер, Қазақстан Республикасының қаржы нарығын реттеу және дамыту агенттігі (бұдан әрі –Агенттік) мынаны хабарлайды:
«Bereke Bank» АҚ (бұрынғы атауы «Сбербанк» АҚ ЕБ) акционері – «Бәйтерек» ҰБХ» АҚ-тың мәлімдеуі бойынша, OFAC 2022 жылғы 04 қазанда No.RUSSIA-EO14024-2022-947557-2 қосымша лицензияны шығарды. Бұл лицензия «Сбербанк» АҚ ЕБ қатысуымен жасалған мәмілелердің қолданылу мерзімін мына күндердің қайсысы бірінші басталса, сол күнге дейін ұзартады: рұқсат етілген транзакциялардың аяқталу күні немесе 2022 жылғы 31 желтоқсан.
           Қосымша түрде шығарылған лицензияға сәйкес, Сбербанктің қатысуымен жасалған мәмілелерді аяқтау мақсатында жүзеге асырылатын транзакциялар тізімі (рұқсат етілмеген транзакцияларды ескере отырып) 2022 жылғы 12 шілдеге дейін қолданыста болған, OFAC-тың 2022 жылғы 05 мамырдағы №26А бас лицензиясында, сондай-ақ 2022 жылғы 11 шілдедегі No.RUSSIA-EO14024-2022-947557-2 лицензияда көрсетілген транзакциялардың тізімімен бірдей.
         АҚШ қаржы жүйесі арқылы кез келген ақша аударымында лицензияның нөмірі міндетті түрде көрсетілуі тиістігі лицензияда қосымша түрде қарастырылған.
         Осыған байланысты, операцияның оқшаулануының немесе ақша аудару және төлем операцияларын жүзеге асырған кезде ақша аударымын өткізуден бас тартудың алдын алу мақсатында төлем құжаттарында Агенттіктің хабарламасына сәйкес лицензияның нөмірін көрсету керек.

Құрметпен, «Jusan Bank» АҚ