Дауыс көмекшісі
kk
Қазақша
Русский
English
Orangelife09.11.2022

Әріптестер, Жетісу жаңа филиалының ашылғаны туралы қуана хабарлаймыз

Әріптестер, Жетісу жаңа филиалының ашылғаны туралы қуана хабарлаймыз

Осы жылдың мамыр айында ҚР Президентінің Жарлығымен үш жаңа облыс құрылғаны белгілі: 

1. Семейде әкімшілік орталығы бар Абай облысы (Шығыс Қазақстан облысынан бөлінген)

2. Жезқазғанда әкімшілік орталығы бар Ұлытау облысы (Қарағанды облысынан бөлінген)

3. Талдықорғанда әкімшілік орталығы бар Жетісу облысы (Алматы облысынан бөлінген). 

Жаңа өңірлерге жасалған талдау жұмыстарының қорытындысы бойынша Банк Жетісу облысында филиал құру туралы шешім қабылдады, өйткені бұл өңірдің экономикалық және әлеуметтік әлеуеті зор.

Облыста ауыл шаруашылығы саласын және қайта өңдеу секторын дамытуға, туризмге, қолжетімді тұрғын үй құрылысының көлемін ұлғайтуға, жолдарды жөндеуге, елді мекендерді газдандыруға, өнеркәсіпке, шағын және орта бизнеске ерекше назар аударылатын болады. 

Облыстың сондай-ақ, транзиттік мүмкіндіктері жоғары. Мұнда құрғақ портты, логистикалық және индустриялық аймақтарды қамтитын «Қорғас – Шығыс қақпасы» арнайы экономикалық аймағы жұмыс істейді.

Осы жобалардың барлығын бірлесіп іске асыру өңірдің қарқынды дамуына мүмкіндік береді, осыларды зерделей келе біз облыстың орасан зор банктік әлеуетіне көз жеткіздік.

Осы уақытқа дейін бұл облыста Алматы облыстық филиалы жұмыс істеп келді, осы бөлімше енді «Jusan Bank» АҚ Жетісу филиалы  болып қайта құрылды. 

Әріптестерімізге ірі жобалар мен табысты жұмыс тілейміз! Жаңа филиал өңірдің дамуына өз үлесін қосатынына сенімдіміз. 

Өйткені, біз – еліміз бен халқымыздың гүлденуі үшін жұмыс істейтін қазақстандық банкпіз.

Басқа жаңалықтар

Jusan Singularity Алматыда IT бойынша тегін оқуға ...

Jusan компаниялар тобының Jusan Singularity білім беру жобасы Almaty IT Сamp бағ...

Jusan Дүкенінде сатып алып, апта сайын iPhone 15 ұ...

Онлайн-шоппингті ұнататындар үшін керемет жаңалық — Jusan Дүкені мен Jusan Bank ...