Ақтөбеде креативті әрі жарқын мурал пайда болды. Стрит-арт композициясын қалаға Jusan Bank сыйға тартты.

С.Жиенбаев атындағы облыстық кітапхана базасында орналасқан бұл стрит-арт жастардың шығармашылық орталығының бір бөлігіне айналды. Муралды Алматыдан келген танымал стрит-арт суретшілері Repas және ақтөбелік Art Nid суретшілері жасаған.

Jusan Bank аймақтық маркетинг жетекшісі Айбол Калыбаев, банктің Kazakh Tourism-мен меморандумды жүзеге асырып жатқанын және стрит-арт арқылы Қазақстан қалаларының ландшафтын өзгертуге қосқан үлесін мақтан тұтатынын атап өтті.

Жергілікті тұрғындар, әсіресе жастар муралды зор ықыласпен қабылдады. Шығармашылық орталықтың ашылуына белсене қатысып, мурал фонында суретке түсіп, түрлі шараларға қатысты.