Jusan Астанада Ұлттық ғашықтар күніне орай өткізілген "Love Марафонға" қолдау көрсетті. Марафонның басты ерекшелігі – белгіленген арақашықтықты жұбыңмен бірге жүгіріп өту керек, ал бас жүлдеге Дубайға жолдама берілді. 

Ұйымдастырушылар марафон махаббат мен құндылықтарға мән беру үшін өткізіліп отырғанын айтады. Сондықтан арақашықтық да алшақ болмады: небәрі – 4 километр. Жалпы алғанда марафонға еліміздің әр аймағынан келген 150 жұп қатысқан. 

Jusan Bank-тің астаналық филиалы директорының орынбасары Нұрсұлтан Сматов:
«Jusan Bank үшін ұлттық Ғашықтар күніне арналған жүгіру марафонының серіктесі атану мүмкіндігі туғанына қуаныштымын. Біздің банктің ұраны - «Әрбіріңізге сенеміз! Саған сенеміз!». Сондықтан біз әр клиентімізге қаржылық мәселелер бойынша ғана емес, сондай-ақ махаббат мен қамқорлық атмосферасын жасауда қолдау көрсетуге дайынбыз. Бренд құрылғалы біздің банкте 107 жұп пайда болды. Бұл құр сан емес, сонымен бірге Jusan Bank-тен бастау алған махаббат тарихы», - деп атап өтті.

Айта кетсек, Дубайға жолдаманы Алматыдан марафонға қатысу үшін арнайы барған жұп Виктория Сергеева мен Ракимжан Келманов жеңіп алды.