20 қаңтар 2023
Әлемдік экономикаҒалами үрдістер 2050
Біздің әлем үздіксіз түрленіп, қозғалып отырады. Экономикалық циклдардың бірі келіп, бірі кетіп жатса, технологиялар да ауысып жатады. Дөңгеленген дүниеде алғашқыда таңқаларлық болып көрінген көптеген дүниелердің бүгінде үйреншікті заттарға айналған жайы бар.
Әлемде болып жатқан уақиғалар жан-жақтылығына қарамастан, олардың барлығы кең көлемді мега үрдістердің аясында орын алып жатыр. Бұл жұмыста біз көптеген ақпараттар мен зерттеулерге талдау жүргізіп, мынадай тоқтамға келдік: барлық мега үрдістердің артында экономикалық алғышарттар, технологиялардың даму деңгейі мен адамдардың қажеттіліктері жатыр.
Әлемнің қазіргі уақытта қалай дамып жатқанын зерделей келе, жақын уақытта түбегейлі өзгерістер болады деген тұжырымға келдік. COVID-19 пандемиясы және одан кейінгі геосаяси қақтығыстар ғаламдастырудың екінші дәуірін тежеу үдерісін іске қосып жіберді. Енді алда бізді жоғары турбуленттілік пен айқынсыздықтың өтпелі жылдары күтіп тұр. Міне, сол жылдары адамзат дамуының жаңа тарауы анықталады.
Біз негізгі 7 бағытты белгіледік, оларда алдағы 30 жылда елеулі өзгерістер – жаңа дәуірдің үрдістері орын алады.
- Энергетика. Адамзат қазба отыннан толығымен дерлік бас тартады.
- Ұтқырлық. Көлік кезең-кезеңмен дербес бола түседі.
- Ғаламсыздану және экономика. Ғаламдану жалғасады, бірақ басқа нысанда.
- Банк әлемі. Банктер өздерінің бизнес-модельдерін өзгертуге мәжбүр болады: экожүйелер құрады, инфрақұрылымдарды жалға береді және жалға алады.
- Коммуникация және виртуалдандыру. Нақты әлем мен виртуалды әлем бір-бірімен астасып кетеді. Метағалам адам өмірінің ажырамас бөлігіне айналады.
- Биотөңкеріс. Биоинженерия медициналық проблемаларды шешуге белсенді түрде қолданылады. Жаңа технологиялар құнарлы әрі анағұрлым арзан жасанды тағамдарды жасауға мүмкіндік береді.
- 2.0 адам. Адамдар едәуір төзімді және ақылды бола түседі әрі қазіргіге қарағанда айтарлықтай ұзақ өмір сүреді.
Тақырып туралы толық мағлұматты төмендегі құжаттан оқыңыз
Jusan Analytics
20 қаңтар 2023
Әлемдік экономикаҰқсас жаңалықтар
09 қазан 23
Жұмыссыз қалмау жолдары: еңбек нарығының болашағы туралы нені білу қажет
Дүниежүзілік экономикалық форумның сарапшылары (ДЭФ) бизнестің дамуы, мамандықтар мен дағдылар туралы алдағы 5 жылға жаңа болжамдар ұсынды. ДЭФ зерттеуі ірі жұмыс берушілер арасында жүргізілген сауалнамаға және олардың бизнесті, мамандықтарды және дағдыларды дамытуға қатысты болжамдарына негізделді. Сауалнамаға әлемнің барлық аймақтарын қамтитын 45 экономиканы және 27 салалық кластерді қамтитын, 11.3 миллионнан астам адам жұмыс істейтін 803 компания қатысты.
Негізгі тұжырымдар:
- Жұмыс берушілердің болжауынша жұмыс орындарының 23%-ы құрылымдық өзгеріске ұшырайды;
- «жасыл экономика» - жаңа жұмыс орындарының басты қайнар көзі;
- еңбек нарығы үшін ең үлкен қауіп – экономикалық сын-қатерлер;
- озық технологиялар бизнесті дамытудың басты қозғаушы күші болып қала бермек;
- сауалнама жүргізілген компаниялардың шамамен 75%-ы 2027 жылға қарай жасанды интеллектіні енгізуді жоспарлауда;
- 2027 жылға қарай бизнес-міндеттердің 43%-ға жуығын машиналар орындайтын болады;
- ең сұранысқа ие мамандық – жасанды сана және машиналық оқыту бойынша мамандар;
- талдамдық ой – мансап жемісті болуы үшін қажетті негізгі дағды;
- сауалнамаға жауап берген жұмыс берушілердің 47%-ы жұмысқа адам алуда олардың дағдыларын бағалайды, ал 45%-ы диплом талап етеді;
- алдағы бес жылда жұмыскерлерге қажетті дағдылардың 44%-ы ескіреді, 10 қызметкердің алтауы оқыту курстарынан өтулері керек болады;
- Қазақстанда жұмыспен қамтылғандардың 5%-ы ғана өздерінің біліктіліктерін жыл сайын арттырады.
Мерзімді зерттеулер
еңбек нарығыБизнесАлександра Молчановская
06 қыркүйек 23
Қаржылық аналитика: күнделікті шығындарға қанша ақша жұмсаймыз?
Күнделікті өмірімізде ақшаны оңды-солды әртүрлі шығындарға жұмсайтынымыз белгілі. Шығындардың көлемі қажеттілігімізге, мән-жайларға және басқа да себептерге қарай әрқалай болып келеді.
Кейбіреулерге тамақтың сапалы болуы маңызды болса, басқалар тұрақты түрде несие өтеуге мәжбүр болады. Ал базы-біреулер көңіл көтеруге, демалуға
құмар келеді. Алайда мынадай сұрақтар жиі туындайды: қажеттіліктердің барлығына табысымыз жетеді ме? Лайықты, жайлы өмір сүру үшін қанша ақша керек? Біз өзімізді шығындарымыздың көлеміне қарап, орта тап өкілдеріне жатқыза аламыз ба?
Осыған байланысты біз базалық шығындарға, яғни әрбір адам немесе отбасы үшін сәл де болса жайлы өмір сүруге және негізгі өмірлік қажеттіліктерді қанағаттандыруға қажетті шығындарға талдау жүргізуді ұйғардық. Зерттеу нәтижесі бойынша біз Алматы мен Астана қызметкерлерін олардың табыстары мен шығындарына қарай 6 топқа бөлдік және сондай-ақ әрбір тапқа тиесілі мөлшерді анықтадық, мысалы әлеуметтік аз қамтылғандар, төмен қамтылғандар, төменгі орта тап, орта тап, табыс жоғары және толық қамтамасыз етілгендер.
Негізгі тұжырымдар:
- Ай сайын базалық шығындарға орта есеппен 246.3 мың теңге немесе жалақының 60%-ы кетеді.
- Ең көп шығындар жалақы алғаннан кейінгі алғашқы 4 күн ішінде жұмсалады екен.
- Мегаполистерде жайлы өмір сүру және барлық базалық шығындар үшін кем дегенде айына 450 мың теңге қажет.
- Барлық базалық шығындарды қанағаттандыру үшін Алматы мен Астанада жұмыс істейтіндердің жартысына жуығында (49%) шығындарды өтеу үшін жалақысы жете бермейді.
- Сонымен қатар жұмыскелер мен қалалар арасында айтарлықтай теңсіздік байқалады - Алматыда қаржылық тапшылыққа тап болатындардың саны Астанаға қарағанда 4 есе жоғары.
- Орташа тап өкілдеріне жалақылары 700 мыңнан 1.2 млн теңгеге дейін алатын жұмыскерлердің 4.4%-ы ғана жатады. Олардың күнделікті шығындары табыстарының 40-50%-ын құрайды.
- Табыстары орташа деңгейден жоғары жұмыскерлердің үлесі жұмыспен қамтылған халық ішінде бар болғаны 2%- ғы ие.
Біржолғы зерттеулер
Тұтынушылық белсенділікӨмір сүру деңгейіАлександра Молчановская
Ең пайдалы ақпарат таратылымына жазылыңыз
