28 қыркүйек 2022
ҚұнсыздануБаға барометрі (2022 тамызы)
Негізгі тұжырымдар
- Елдердің бір-біріне (ғаламсыздандыруға әкеп соғатын) санкция жариялауы, Қытайдың COVID-19-ға қатысты нөлдік төзімділік саясаты әлемдік өндіріс пен тауар жеткізу тізбегінде іркілістер тудырды және өндіріс факторларының қымбаттауына әкеп соқтырды;
- Энергия тасымалдаушыларға қатысты сұраныс пен ұсыныс теңгерімінің өзгерісі геосаяси тұрақсыздықтың нәтижесі ретінде олардың қымбаттауына себеп болуда. Бұл ретте олардың қымбаттауы түпкілікті тауарлар мен көрсетілетін қызметтердің бағаларының қалыптасуына әсер етеді;
- Инфляциялық ахуал жайсыз болуда және болжам бойынша орташа мерзімде осылай болып қала береді;
- Ішкі инфляциялық ахуал пессимистік болжам және тұтыну сұранысының артуы салдарынан нашарлап барады. Соңғысы бюджеттік шығындармен және тұтынушылық несиелендіруде белсенділіктің өскендігімен қамтамасыз етілген;
- Тұтыну инфляциясының негізгі триггері ауысты: азық-түлікке жатпайтын тауарлардың бағасы азық-түлік бағасының өсу қарқынын басып оза бастады. Азық-түлік инфляциясы жеміс-көкөніс өнімдерінің маусымдық арзандауы арқасында уақытша тежеліп жатыр;
- Азық-түліктік емес инфляцияның өсуіне импортқа тәуелділік, сауда бойынша әріптес-елдердегі жоғары инфляциялық ахуал және валюта бағамын көшіру әсері отқа май құя түсуде;
- Маусымдық есеңгірету және Үкіметтің уақытша шектеу шараларының алынып тасталуына байланысты ақылы қызметтердің жекелеген түрлерінің нарықтарындағы теңгерімсіздіктер тұтыну инфляциясына жағымсыз әсер етті;
- Ел өңірлерінде жылдық инфляция 13.6-19.2% ауқымында болды. Өңірлерде инфляциялық үдерістердің әртектілігі күшейіп жатқандығы байқалады;
- Біз жыл соңына дейін инфляцияның 17-17.5%-ға дейін өсетіндігін күтеміз (ҚРҰБ жаңартылған болжамы бойынша – 16-18%). Инфляциялық үдерістердің күшеюі және инфляцияның одан әрі өршіп кету қаупі тұтынушылық сұраныстың аптығын басу үшін шаралар қабылдауды талап етеді.
Тақырып туралы толық мағлұматты төмендегі құжаттан оқыңыз
Айжан Әлібекова
Аға талдаушы28 қыркүйек 2022
ҚұнсыздануҰқсас жаңалықтар
09 қазан 23
Жұмыссыз қалмау жолдары: еңбек нарығының болашағы туралы нені білу қажет
Дүниежүзілік экономикалық форумның сарапшылары (ДЭФ) бизнестің дамуы, мамандықтар мен дағдылар туралы алдағы 5 жылға жаңа болжамдар ұсынды. ДЭФ зерттеуі ірі жұмыс берушілер арасында жүргізілген сауалнамаға және олардың бизнесті, мамандықтарды және дағдыларды дамытуға қатысты болжамдарына негізделді. Сауалнамаға әлемнің барлық аймақтарын қамтитын 45 экономиканы және 27 салалық кластерді қамтитын, 11.3 миллионнан астам адам жұмыс істейтін 803 компания қатысты.
Негізгі тұжырымдар:
- Жұмыс берушілердің болжауынша жұмыс орындарының 23%-ы құрылымдық өзгеріске ұшырайды;
- «жасыл экономика» - жаңа жұмыс орындарының басты қайнар көзі;
- еңбек нарығы үшін ең үлкен қауіп – экономикалық сын-қатерлер;
- озық технологиялар бизнесті дамытудың басты қозғаушы күші болып қала бермек;
- сауалнама жүргізілген компаниялардың шамамен 75%-ы 2027 жылға қарай жасанды интеллектіні енгізуді жоспарлауда;
- 2027 жылға қарай бизнес-міндеттердің 43%-ға жуығын машиналар орындайтын болады;
- ең сұранысқа ие мамандық – жасанды сана және машиналық оқыту бойынша мамандар;
- талдамдық ой – мансап жемісті болуы үшін қажетті негізгі дағды;
- сауалнамаға жауап берген жұмыс берушілердің 47%-ы жұмысқа адам алуда олардың дағдыларын бағалайды, ал 45%-ы диплом талап етеді;
- алдағы бес жылда жұмыскерлерге қажетті дағдылардың 44%-ы ескіреді, 10 қызметкердің алтауы оқыту курстарынан өтулері керек болады;
- Қазақстанда жұмыспен қамтылғандардың 5%-ы ғана өздерінің біліктіліктерін жыл сайын арттырады.
Мерзімді зерттеулер
еңбек нарығыБизнесАлександра Молчановская
06 қыркүйек 23
Қаржылық аналитика: күнделікті шығындарға қанша ақша жұмсаймыз?
Күнделікті өмірімізде ақшаны оңды-солды әртүрлі шығындарға жұмсайтынымыз белгілі. Шығындардың көлемі қажеттілігімізге, мән-жайларға және басқа да себептерге қарай әрқалай болып келеді.
Кейбіреулерге тамақтың сапалы болуы маңызды болса, басқалар тұрақты түрде несие өтеуге мәжбүр болады. Ал базы-біреулер көңіл көтеруге, демалуға
құмар келеді. Алайда мынадай сұрақтар жиі туындайды: қажеттіліктердің барлығына табысымыз жетеді ме? Лайықты, жайлы өмір сүру үшін қанша ақша керек? Біз өзімізді шығындарымыздың көлеміне қарап, орта тап өкілдеріне жатқыза аламыз ба?
Осыған байланысты біз базалық шығындарға, яғни әрбір адам немесе отбасы үшін сәл де болса жайлы өмір сүруге және негізгі өмірлік қажеттіліктерді қанағаттандыруға қажетті шығындарға талдау жүргізуді ұйғардық. Зерттеу нәтижесі бойынша біз Алматы мен Астана қызметкерлерін олардың табыстары мен шығындарына қарай 6 топқа бөлдік және сондай-ақ әрбір тапқа тиесілі мөлшерді анықтадық, мысалы әлеуметтік аз қамтылғандар, төмен қамтылғандар, төменгі орта тап, орта тап, табыс жоғары және толық қамтамасыз етілгендер.
Негізгі тұжырымдар:
- Ай сайын базалық шығындарға орта есеппен 246.3 мың теңге немесе жалақының 60%-ы кетеді.
- Ең көп шығындар жалақы алғаннан кейінгі алғашқы 4 күн ішінде жұмсалады екен.
- Мегаполистерде жайлы өмір сүру және барлық базалық шығындар үшін кем дегенде айына 450 мың теңге қажет.
- Барлық базалық шығындарды қанағаттандыру үшін Алматы мен Астанада жұмыс істейтіндердің жартысына жуығында (49%) шығындарды өтеу үшін жалақысы жете бермейді.
- Сонымен қатар жұмыскелер мен қалалар арасында айтарлықтай теңсіздік байқалады - Алматыда қаржылық тапшылыққа тап болатындардың саны Астанаға қарағанда 4 есе жоғары.
- Орташа тап өкілдеріне жалақылары 700 мыңнан 1.2 млн теңгеге дейін алатын жұмыскерлердің 4.4%-ы ғана жатады. Олардың күнделікті шығындары табыстарының 40-50%-ын құрайды.
- Табыстары орташа деңгейден жоғары жұмыскерлердің үлесі жұмыспен қамтылған халық ішінде бар болғаны 2%- ғы ие.
Біржолғы зерттеулер
Тұтынушылық белсенділікӨмір сүру деңгейіАлександра Молчановская
Ең пайдалы ақпарат таратылымына жазылыңыз
